LOUNGE Mop Papua ( Indonesia Bagian Timur )

[-jibrut-]

Ade ko lagi bikin apa??

Ada dikamar saja ini, kenapa kaka??

trapapa tanya saja.
bapa lama skali blm pulang nih

Oh iyo kah, kok sama deng sa pu bapa?? mungkin tong dua jodoh kapa kaka

Tong dua ini ade kaka satu bapa
bodok nihh!!!
Otak mati, makanya jang jomblo tarlalu lama, ko bangun masak indomie sa lapar!!!!

 

[-jibrut-]

Angin tolong sampaikan sa pu salam buat dia,
kalau dia tra tarima

Angin ko atur sudah!!
mo kasih tampias atap rumah kah apa kah terserah ko

NgeGas

 

[-jibrut-]

Siswa kelas 1 SD ni setiap ulangan atau tugas de dapa nilai 7,8,9
suatu waktu begini de pu ulangan dapa nilai 10, jadi de senang skali
pulang sekolah langsung de tancap gas lari ke rumah supaya ada mo kas tau de pu mama ka ini.
sampe rumah de hela hela nafas..
jadi de pu mama tanya
"anak e ko kenapa hosa begitu??'
langsung anak de jawab
"mama, sa pu ulangan dapa nilai 10"
baru mama tanya lagi, Oh iyo ka, mana??
Pas mama lihat begini ternyata nilai 0 besar, langsung mama bilang, ah 10 apa ko tipu kah?? ini 0 besar baru!!!
langsung de anak bilang, Oh, tadi sa lari cepat jadi, mungkin 1 de jatuh di jalan kah apa

 

[-jibrut-]

Dokter dan perawat puskesmas dong su kasih penyuluhan toh untuk mengurangi penyebaran malaria antara lain deng pakai kelambu toh
Tentu pace yokblet ni di su tau dia tra bodok dan tra mau mati konyol. Lalu pace yokblet dong pergi ke kota mau beli kelambu, sayangnya dong lupa kata kelambu
Sampe toko pace ngomong begini sudah, Eh bapa sa mo beli barang ikat sana, ikat sini Trus sa didalam nyamuk diluar

 

[-jibrut-]

Tinus sering memarahi istrinya Yakomina. Apapun kesalahan Yakomina tra pernah lolos dari kemarahan Tinus. Namun anehnya, Yakomina sekalipun tak pernah membalas kemarahan Tinus. Hingga suatu hari Tinus de rasa heran dan aneh, lalu ia pun bertanya kepada Yakomina…
Tinus : Mace, sa tanya ko dulu

Yakomina : Mau tanya apalg? Mau marah2 lg ka

Tinus : Ah tidak, sa ni justru heran sama ko, sa su sering marah ko tapi ko tra pernah balas marah sa, memang sa akui ko ni istri paling sabar sudah… Ko luaarrr biasaaaaaaa
Yakomina : ah itu biasa saja
Tinus : Iyo eh, tapi kira kira ko pake resep apa ni sampe ko bisa sabar sama saya? Mungkin sa bisa tahu ??

Yakomina : Ah pace, itu sepele saja. Setiap kali pace ko marah sa, sa pake ko pu sikat gigi buat kasi bersih wc

HahahahaTinus tra bisa ngomong langsun

 

[-jibrut-]

nene satu de ada asik kunyah pinang, terus de pu cucu datang tanya dia
cucu : “nene, kunyah pinang enak ka?”
nene : “enak to??”
cucu : ” klo enak, coba nene ko biking balon??”
Ha.ha.ha.ha…..

 

[Papi Bangke]

Abis baca sa rindu kampung

 

[-jibrut-]

Abis baca sa rindu kampung

Laah emang asli mana bro??

 

[blackpipe]

Ah sa baru ada begini jadi
Sa ikut sudah e.

Yaklep deng Maria ada duduk dua di teras. Yaklep dorang ni su lama mo ajak Maria jadi de pu pacar.

Yaklep: ade, ko tra mau jadi sa pu pacar kah?
Maria: ah kakak, sa tra bisa.
Yaklep: jiii, kenapa jadi?
Maria: sa masih sekolah toh? Sa pu mama bilang sa tra boleh pacaran kalau masih sekolah.
Yaklep: iyo sudah tra papa. Baru, ko libur kapan?

Yaklep de su gila kapa e?

 

[blackpipe]

Tete dorang ada dengar kalau di kampung ada bapak pendeta yang bisa kasih sembuh orang. Jadi tete dorang datang ke bapa pendeta.

Tete: bapa, sa ada dengar bapa dorang nih ada berkat bisa kasih sembuh orang.
Pendeta: iya betul tete. Sa bisa bantu apa?
Tete: (sambil berbisik) ini bapa, bapa bisa bantu biar sa pu burung bisa berdiri lagi kah?
Pendeta: aduh maaf tete. Sa dapat berkat kasih sembuh orang, tapi belum dapat berkat kas hidup lagi yang sudah mati.

Tete pulang dengan langkah lemas.

 

[blackpipe]

Satu lagi, ini mungkin sudah sering tapi nda apa2 buat koleksi.

Yaklep yang orang Merauke ada baku pukul dengan Tinus yang orang Sorong. Orang-orang datang kas pisah dorang.

Tinus: cukardeleng, iyo e ko kalo mau keluar Papua naik kapal putih tra usah lewat Sorong lagi!

Yaklep: iyo tra papa sudah! Tapi ko kalau nyanyi lagu Sabang Sampai Merauke tra usah sampai Merauke. Sampai Sorong saja!

Tinus dorang langsung nyanyi: dari Sabang sampai ke Sorong, berjajar pulau-pulau...

 

[Papi Bangke]

Laah emang asli mana bro??

Klo dr rumah bs lihat gunung tidore pak lur

 

[-jibrut-]

Klo dr rumah bs lihat gunung tidore pak lur

Yaaa ampun kie matubu

 

[Mas_mingkem]

Aduh pace, sa pu mulut dong bisa berhenti tertawa...



Mantap pak lur

 

[ottonk]

Weiii pace, knp pake baju merahh..
Mungkin pace kurang darah kah?

 

[-jibrut-]

Weiii pace, knp pake baju merahh..
Mungkin pace kurang darah kah?

Aah pace tidak, ko su dimana kah??
Baku c**i kah ko deng *****

 

[-jibrut-]

Pace : mace klo ko jadi mawar, biar sa jadi tanah
Mace : jiii kenapa ko jadi tanah??
Pace : biar bebas saja ko dicabut dari ku..
Mace : kenapa kah pace??
Pace : paling tidak dalam hidup ku, sa pernah buat ko tumbuh dan berkembang
Mace :

 

[-jibrut-]

AHAHAHAHAHA...
ASELI KOPLAK BENER.



Baca sambil ngebayangin si anak standup comedy (SUCA) dari Timur Indonesia di tipi. Wakakakakak..

Hahahahhahahaha betul sekali

 

[TartarosWarrior]

anjay ngakak abis gw..
Pacu kreatif sangat

 

[-jibrut-]

Obed menang undian dia pi ke singapura
disana obed de tidur di hotel mewah
pace de lagi asik nonton tv, tiba tiba tikus ada lewat depan dia,
obed nih dong mau protes ke resepsionis
Akhirnya de tra pikir panjang langsung telpon, deng pu bahasa inggris hancur sudah
Obed : Sir, you know tom & jerry?
Rsp : Yes, i know, why sir??
Obed : Jerry is here..
Rsp : ???????????